KMG International-მა ახლახანს  ახალი მმართველი გუნდი დანიშნა, როგორც მისი სტრატეგიის ნაწილი, რომელიც მიმართულია განავითარებაზე, ეფექტურობის გაზრდასა და რუმინეთსა და შავი ზღვის რეგიონში ოპერაციების გაძლიერებაზე.  

KMGI-ის დირექტორთა საბჭოს ბოლო გადაწყვეტილებით, ახალ გუნდს კოორდინაციას გაუწევს ერიკ საგიევი, როგორც აღმასრულებელი დირექტორი (CEO).

ენერგეტიკის სექტორში 20 წელზე მეტი ხნის გამოცდილებითა და ნავთობის ინდუსტრიის კერების აღმოჩენისა და წარმოების (E&P) სეგმენტში მსხვილ პროექტებში გამოცდილებით, ის პასუხისმგებელი იქნება ჯგუფის საერთო სტრატეგიის ხელმძღვანელობაზე და შესრულებაზე, ბიზნეს მიზნების მიღწევასა და მაღალი ოპერაციული და ფინანსური მაჩვენებლების უზრუნველყოფაზე, ჯგუფის ერთადერთი აქციონერის, ყაზახეთის ეროვნული ნავთობისა და გაზის კომპანიის ხედვისა და სტრატეგიული მიმართულების შესაბამისად.

ახალ აღმასრულებელ დირექტორს არსებითი როლი ექნება ჯგუფის მუდმივ ზრდასა და მისი რეგიონული და საერთაშორისო პოზიციონირების განმტკიცებაში, მიზნების მხარდაჭერით, როგორც ინდუსტრიაში, ისე სამთავრობო გარემოში ნავიგაციის უნარით, ბიზნესის განვითარებისა და სტრატეგიული პარტნიორობის ღრმა გამოცდილებასთან ერთად.

KMG International-ში მოსვლამდე ის ხელმძღვანელ პოზიციებს იკავებდა KazMunayGas-ის რამდენიმე კომპანიაში.

ერიკ საგიევი უხელმძღვანელებს გუნდს, რომელშიც შედიან იედილ უტეკოვი (წარმოების და სამრეწველო მომსახურების მთავარი ოფიცერი), აბი ზივსი (ვაჭრობის და მიწოდების ჯაჭვის მთავარი ოფიცერი), ვლად რუსნაკი (მარკეტინგისა და საცალო ვაჭრობის მთავარი ოფიცერი), არმან ალიმჟანოვი (მთავარი კორპორატიული სერვისების ოფიცერი) და ანდრეი ტოჰანეანი (ფინანსების მთავარი ოფიცერი), რაც ხაზს უსვამს კომპანიის ერთგულებას სრულყოფილებისა და სტრატეგიული განვითარებისკენ წარმოების, მიწოდების ჯაჭვისა და საცალო ვაჭრობის ძირითად სფეროებში.

იედილ უტეკოვმა აიღო პასუხისმგებლობა KMGI ჯგუფის წარმოებისა და სამრეწველო მომსახურების ოპერაციების ზედამხედველობაზე. მას ეკავა KazMunayGas-ის გადამუშავებისა და პეტროქიმიური სამმართველოს დირექტორის თანამდებობა 2023 წლიდან 2024 წლამდე. ამ თანამდებობაზე იგი კოორდინაციას უწევდა რამდენიმე საწარმოო ობიექტის საოპერაციო საქმიანობას, მათ შორის გადამამუშავებელ ქარხნებს, ელექტროსადგურებს და ნავთობქიმიურ ერთეულებს.

იედილ უტეკოვს აქვს 20 წელზე მეტი ხნის გამოცდილება ამ სფეროში და ეკავა რამდენიმე მნიშვნელოვანი თანამდებობა KMG International-ში. 2020 წლიდან 2022 წლამდე ეკავა საწარმოო და სამრეწველო მომსახურების ბლოკის დირექტორის თანამდებობა.

აბი ზივსი უზრუნველყოფს ჯგუფის დონეზე ლოგისტიკური ნაკადების ეფექტურობას და განვითარებას ბიზნეს სტრატეგიის შესაბამისად. ვაჭრობისა და მიწოდების ჯაჭვის ბლოკი პასუხისმგებელია ნედლეულის მიწოდებაზე პეტრომიდიის გადამამუშავებელ ქარხანაში, ასევე მზა პროდუქციის დისტრიბუციაზე რუმინეთსა და შავი ზღვის რეგიონში. 30 წელზე მეტხნიან კარიერაში აბი ზივსს ეკავა მენეჯერული პოზიციები სტრატეგიულ კომპანიებში ლატვიაში, თურქეთსა და ყაზახეთში.

ვლად რუსნაკი პასუხისმგებელია რუმინეთში, მოლდოვაში, ბულგარეთში და საქართველოში საცალო ოპერაციების კონსოლიდაციასა და გაფართოებაზე, ბიზნესის განვითარებაზე კომერციული ბრენდების Rompetrol, hei, Fill&Go, და efix, ასევე ამ ქვეყნებში საბითუმო საქმიანობის ზედამხედველობაზე.

KMG International-ში 18 წელზე მეტი ხნის კარიერის განმავლობაში, ვლად რუსნაკმა დააგროვა დიდი გამოცდილება კომერციულ ოპერაციებში, ფინანსებში, ბიზნესის განვითარებაში, საცალო ვაჭრობაში, ქსელის განვითარებაში, მიწოდების ჯაჭვში, ენერგეტიკულ ტრანსფორმაციასა და დეკარბონიზაციაში ჯგუფის სხვადასხვა ერთეულებსა და განყოფილებებში.

არმან ალიმჟანოვი პასუხისმგებელი იქნება კორპორატიული სერვისებისა და კონტროლის განყოფილების სტრატეგიის განსაზღვრასა და ოპერატიული მენეჯმენტის უზრუნველყოფაზე, ბიზნეს მიზნებისა და მოსალოდნელი ოპერაციული და ფინანსური მაჩვენებლების შესაბამისად. არმან ალიმჟანოვს აქვს 15 წელზე მეტი გამოცდილება კორპორატიულ მმართველობაში, M&A და კაპიტალის ბაზრების გარიგების სტრუქტურირებაში, ასევე აქვს გამოცდილება იურიდიული და შესაბამისობის მიმართულებით.

ადრიან ტოჰანეანი 2007 წელს დაწყებულ საქმიანობას KMGI Group-ში გააგრძელებს. თავის ამჟამინდელ ამპლუაში, ის უზრუნველყოფს ექსპერტულ და სტრატეგიულ ლიდერობას ჯგუფის ფინანსური საქმიანობის მართვაში, უზრუნველყოფს ფინანსური ოპერაციების ზედამხედველობას და მათ ფინანსურ მთლიანობას.

მმართველი გუნდის შესახებ დამატებითი ინფორმაციისა და ფოტოების სანახავად, გთხოვთ, ეწვიოთ შემდეგ ბმულზე:

https://www.rompetrol.com/who-we-are/corporate-governance/executive-management

KMG International-ის შესახებ

KMG International (რომპეტროლი) არის ერთ-ერთი ყველაზე მნიშვნელოვანი მოთამაშე რუმინეთის ენერგეტიკულ ინდუსტრიაში, საუკეთესო დამსაქმებელი, რომელიც უზრუნველყოფს სტაბილურობას, როგორც მის წევრ კომპანიებში მომუშავე პირებისთვის, ასევე ეროვნული ენერგეტიკული სექტორისთვის. ჯგუფი რუმინეთის სახელმწიფო ბიუჯეტში ერთ-ერთი უმსხვილესი კონტრიბუტორია და რომპეტროლი ქვეყნის 10 ყველაზე ფასეულ ბრენდს შორისაა.

რუმინეთში ჯგუფი მართავს ორ გადამმუშავებელ ქარხანას - Petromidia Năvodari (ყველაზე დიდი და ყველაზე კომპლექსური ლოკალური გადამმუშავებელი ქარხანა სექტორში), Vega Ploiesti (ბიტუმისა და ჰექსანის ერთადერთი მწარმოებელი რუმინეთში) და ერთადერთ ნავთობქიმიურ განყოფილებას.

2024 წელს გადამუშავებული 4,6 მილიონი ტონა ნედლეულის მთლიანი მოცულობით, ნავოდარში მდებარე პეტრომიდიას გადამმუშავებელი ქარხანა არის სტაბილურობის ნიშა, რომელიც შავი ზღვის რეგიონს ნავთობპროდუქტებით უზრუნველყოფს.  იგი ამუშავებს ძირითადად ყაზახური წარმოშობის ნედლ ნავთობს (KEBCO-Kazakhstan Export Blend Crude Oil და CPC-Caspian Pipeline Consortium) და მიწოდება უზრუნველყოფილია Tengiz/Atyrau-Novorossiysk მილსადენით და საზღვაო გზით Kazmortransflot-ის, ყაზახეთის რესპუბლიკის ეროვნული საზღვაო სატრანსპორტო კომპანიის მეშვეობით.

KMG International ასევე ფლობს ერთადერთ რუმინულ ოფშორულ საზღვაო ტერმინალს შავ ზღვაზე, რომელიც მდებარეობს მიდიის პორტიდან 8,6 კილომეტრში, რაც ჰმატებს ღირებულებას საცალო ოპერაციებს პეტრომიდიას გადამმუშავებელი ქარხნის უშუალო მიწოდებით.

რომპეტროლის სადისტრიბუციო ქსელი რუმინეთში ასევე შედგება 1,342 გაყიდვის პუნქტისგან, მათ შორისაა საკუთარი სადგურების ქსელი, პარტნიორი სადგურები, მობილური სადგურები: express, CUVE და RBI.

ამას ემატება შავი ზღვის რეგიონში საწვავის მსხვილი სადისტრიბუციო ქსელი: როგორც რომპეტროლის ბრენდის ქვეშ არსებული ჯგუფის შვილობილი კომპანიები (რუმინეთი, მოლდოვა, ბულგარეთი და საქართველო), ასევე სხვადასხვა პარტნიორული  თანამშრომლობები ცენტრალურ და აღმოსავლეთ ევროპის რეგიონში (თურქეთი, სერბეთი ან საბერძნეთი).

სავაჭრო განყოფილების KMG Trading Switzerland-ის მეშვეობით ჯგუფი აუცილებელი ნედლეულითა და ნავთობპროდუქტებით უზრუნველყოფს როგორც მის შვილობილ კომპანიებს, ასევე სხვა გარე მომხმარებლებს შავი ზღვისა და ბალტიის ზღვის რეგიონებში, ევროკავშირის დონეზე დადგენილი სამართლებრივი დებულებებისა და ამ სფეროში ეროვნული და საერთაშორისო კანონმდებლობის შესაბამისად.

ნიდერლანდებში რეგისტრირებული, KMG International NV (KMGI) სრულად ეკუთვნის KazMunayGas-ს.